MEMBA bilong Wes Nu Briten Provins, Sasindran Muthuvel i tok i gat planti toktok i wok long kamap olsem COVID-19 veksin i no gutpela marasin.

Em i tok planti arapela kantri longwe ol i wok long kisim dispela veksin na nogat bagarap i kamap long bodi bilong ol.

Mista Muthuvel i tok nogat wanpela lida long wol i ken giamanim ol pipel bilong em long kisim marasin we i no gat gutpela tes long en.

I no gutpela pasin long surukim toktok na poretim ol pipel long no ken kisim COVID-19 veksin.

Mista Muthuvel i tok em na famili bilong em i redi long kisim COVID-19 veksin bilong lukautim ol yet na ol lain husat is tap klostu long ol. Dispela em bilong banisim ol yet long kisim COVID-19