OL maket em i impotan samting long fud sekyuriti na gutpela sindaun bilong ol pipel long ol komyuniti long Pasifik wantaim tu long ol kantri long Melanesia olsem Papua Niugini, Solomon Islands na Vanuatu.

Wanpela stadi i lukim olsem long Melanesia, olgeta rot i go long ol maket. Ol i ples bilong painim kaikai, mani, ples bilong tok gris na painim infomesen, na tu em ples we divelopmen i ken kamap long en.

Tasol dispela stadi bilong Asia and the Pacific Policy Society ol i kolim long 'Why Local Markets Matter for Pacific Security' i painimaut olsem, pasin bilong ol i no menesim gut ol maket i save kamapim hevi long dispela impotan komyuniti risosis.

Dispela stadi em tripela savemeri I bin karimaut em. Ol meri ya em Dokta Elizabeth Kopel wanpela sinia Risets Felo na Program Lida bilong Informal Economy Research Program long Papua Niugini Nesenel Risets Institut; Profesa Meg Keen, Dairekta bilong Australia Pacific Security College long Australian National University (ANU) na Dr Anouk Ride bilong ANU tu we em risetsa we i lukluk long konflik, vailens na sosel eksklusen long Solomon Islands.

Sam Seke