HEVI bilong no gat nius long sosel midia platfom, Facebook i mekim planti lain ovasis i no bihainim ol nius long kantri bilong ol olsem Vanuatu na long Papua Niugini.

I kam inap  nau, EMTV Online long PNG, we i gat moa long 180,000 pipel i bihainim em long Facebook na Vanuatu Television and Broadcasting Corporation we i gat moa long 35,000 lain i bihainim em i nogat nius apdeit bilong ol lain husat isave kisim nius long ol.

Planti Pasifik pipel i bungim hevi nau long kisim nius long ples.

Displa hevi i kamap taim Facebook i stopim nius long olgeta platfom long Australia na Pasifik, taim Australia gavman i askim Facebook na ol narapla bikpela sosel midia kampani long baim ol nius we i wok long kamap long ol dispela platfom.