OL 18 lida bilong Pasifik na Praim Minista bilong Australia, Scott Morrison i bin bung las wik long wanpela spesel miting long toktok long klaimet senis, COVID-19 na makim nupela Seketeri Jenerel bilong Pacific Islands Forum (PIF).

Tasol dispela i no wankain olsem ol narapela miting bilong bipo we ol lida i bin go bing na sindaun toktok. Hevi bilong COVID-19 na ol planti kantri i putim tambu long ol manmeri bilong arapela kantri i raun i go long kantri bilong ol. Olsem na ol lida i bin bung online we ol i yusim zoom long holim dispela bikpela miting.

 Ol lida i makim kendidet bilong Cook Island, Henry Puna  long kisim wok bilong Seketeri Jenerel bilong PIF. Em i senisim Dame Meg Taylor bilong Papua Niugini.