MERI husat i apim nem bilong Indomie Noodles, na moa yet "Mi Goreng" fleva, i dai las wik Trinde. Dispela meri, Nunuk Nuraini i gat 59 krismas. 

Ol mnmeri long olgeta hap long wol i wok long salim tok sori i go long famili bilong em. Dispela meri Indonesia i kamapim dispela feveret noodle fleva long taim em i wok long Indomie kampani moa long 30 yia i go pinis.

Planti lain i tok tenkyu long em long dispela hanmak Indomie Noodles em i bin kamapim.

Indomie i stap long wankain mak olsem ol arapela insten noodles long Indonesia, Malaysia na Indonesia na planti pipel i save kaikai long taim ol i liklik. Olsem na dispela kaikai em i olsem bun bilong ol.

Ol pipel long ol kantri long Saut Is Esia, Australia, Nigeria na PNG i save laikim tru dispela noodles.

I gat planti ol arapela fleva, tasol moa pipel i laikim tru dispela Indomie Mi Goreng o fried noodle fleva

Sampela lain i tok long sosel midia olsem Nunuk Nurian em “mama bilong Indomie” na em i kamapim wanpela naispela kaikai stret. (BBC Nius)