PACIFIC Island Forum (PIF) bai save husat bai kisim sia bilong Seketeri Jenerel long taim ol ol 18 memba kantri bung long mun Februeri long makim nupela lida bilong dispela sia.

Dame Meg Taylor, bilong Papua Niugini, i bin holim dispela sia na taim bilong em i pinis nau olsem na strongpela resis i kamap nau long makim nupela Seketeri Jenerel.

Ol savelain i tok, wanpela bikpela samting we dispela nupela Seketeri Jenerel bai i mas lukluk long en, em olsem wanem Pacific Island Forum i wok long pait egenisim COVID-19 na ol arapela bikpela hevi.

Dr Tarcisius Kabutaulaka, Dairekta bilong Centre for Pacific Islands Sudies long University bilong Hawaii i toktok long dispela ol samting wantaim niusmeri bilong Radio Australia long Pot Mosbi, Belinda Kora.