SEKETERI Jenerel bilong Pacific Island Forum, Dame Meg Taylor, i tok i no gat wanpela samting o hevi i stopim ol meri insait long rijon long resis long ol kain posisen we em i bin holim.

Em i tok ol meri insait long rijon, husat i kisim bikpela save, i mas putim han i go antap long lukim olsem ol i gat sans long lidim ol kain Forum na i mas gat sapot long Gavman bilong ol.

Dame Meg Taylor i bin holim dispela sia bilong Seketeri Jenerel long yia 2014 i kam inap long nau, we taim bilong em i pinis. Na long mun Februeri 2021, bai gat wanpela bung bilong ol memba kantri bilong PIF long makim nupela Seketeri Jenerel.