PAPUA NIUGINI Futbal Asosiesen i tokaut pinis olsem em stap insait long dispela profesenel soka lig em Oceania Football Confederation (OFC) bai statim long rijon long 2023.

Presiden bilong PNG Football Association, John Kapi Natto husat i siaman tu bilong OFC profesenel lig taskfos i tok, dispela em i wanpela rot bilong ol top soka pilaia long rijon i ken go pilai long ol klap long wol.

Mista Kapi Natto i tok, sapos Oceania i gat dispela pro-lig bilong en yet we ol top pilaia long rijon i pilai, bai Oceania i gat moa luksave long FIFA na ol arapela kantri long wol.

Em i tok profesenel lig bai givim gutpela insentiv tu long ol yangpela soka pilaia long rijon long kamap profesenel, na i gat sans long kisim luksave na go pilai long ol profesenel klap ovasis.

Vais Presiden bilong Papua Nugini Skul Futbal Asosiesen, Wesley Waiwai i bin tok, tingting bilong em long developim moa grasruts soka long ol skul, em bai rot bilong ol i ken go long profesenel lig.

Tasol PNGFA Presiden John Kapi Natto i tok pinis olsem Association bai i no inap go lainim soka long ol skul pikinini nau long wanem, dispela em i nidim nesenel gavman long kamapim wanpela lo long en.

John Kapi Natto na ol opisa bilong PNG FA i bungim ol NSL pilaia.