TRANSPARENCY Solomon Islands i tok, i gat moa infomesen na netwok i kamap long sosel media long kantri na i winim ol mainstream media olsem na gavman i no ken stopim dispela pletfom.

Mausmeri bilong Transparency Solomon Islands, Ruth Liloqula i tok gavman i mekim rait disisen long rausim disisen bilong em long stopim Facebook long kantri.

Em i tok ol lida i bin toktok strong hat long ol tokpait i save kamap long Facebook egensim ol.  Tasol Ms Liloqula i tok ol lida i mas luksave tu, olsem ol toktok egensim wok bilong ol lida, i soim gutpela pasin bilong demokresi we ol lida i mas gat akauntabiliti.