WANPELA savemeri long Pasifik rijon i bin lukluk long ol bikpela hevi i kamap long Pasifik rijon long 2021, na wanpela bilong ol em COVID-19.

Dr Tess Newton Cain em i Projek Lida bilong Pacific Hub long Pasifik long Griffith Asia Institute long Brisbane, Australia. Em i tok dispela veksin bilong COVID-19 em ol arapela kantri long wol i wok long kisim nau, bai inap kamapim gut ol hevi i stap nau long rijon.

Dr Newton Cain i bin skelim tu ileksen na senis long politiks long gavman bilong Amerika, ol hevi bilong klaimet senis na tu long wok bilong ol nupela lida bilong Pacific Forum Secretariat long 2021.