PAPUA NIUGINI, aninit long dispela nupela PNG Labour Mobility Unit, i redi nau long salim moa wokman na meri i go wok long ol fam long Australia long dispela yia wantaim sapot bilong Gavman bilong Australia.

Namba wan grup bilong PNG bai go long 21 Janueri long wok long ol poltri fam long Kwinslan, Australia.

Planti long ol dispela lain, em ol meri. Ol i amamas tru long stap insait long ol wan wan trening insait long ol provins bilong kantri, na i gat bikpela laik long wok hat na helipim famili bilong ol long kantri.