HEVI bilong loging i wok long kamapim bikpela hevi nau long wara saplai i go long ol pipel long Honiara siti long Solomon Ailan.

Wara saplaia, Solomon Water, i tokaut olsem bikpela ren i bin bagarapim wara saplai nau long dispela taim na ol pipel i mas yusim wara gut inap ol i stretim dispela hevi.

Solomon Water, operesen menesa, Sravin Tongi, i tok dispela hevi i bin kamap longpela taim nau yet we loging i mekim long Honiara. Em i tok ol i wok long mekim plen long painim ol narapela rot bilong helpim ol pipel.

Em i tok taim bilong bikpela ren, Kongulai pam na Kombito spring i save kamapim dispela hevi we i lukim wara saplai i stop long Honiara.