Dispela Boeing 737-500 balus i karim 62 pipel long taim em i lus foapela minit bihain long
em i lusim Jarkata ples balus long ran bilong en i go long Pontianak.

BIKPELA wok bilong painim wanpela balus bilong Indonesai i wok long kamap nau bihaian
long balus i pundaun i go daun long solwara long Sarere.
Dispela Sriwijaya Air jet balus i bin karim 62 pipel i bin pundaun i go daun long Java Sea
bihain tasol long em i kirap lusim ples balus long Jakarta long Sarere. Dispela jet balus i gat
27 krismas bilong en.
Dispela birua i namba tri bikpela birua bilong ol balus bilong Indonesia insait long 6-pela yia.
Indonesia i no gat gutpela sefti rekot bilong ol balus bilong en.
 Gavman bilong Indonesia i tokaut olsem ol i painim pinis ples we balus i bin
pundaun. Olgeta pasindia i dai long dispela birua. Ol daiva i wok long kisim ol hap
hap pats bilong balus wantaim bodi bilong ol pasindia na ol kago bilong ol.
 Ol famili bilong ol dispela lain i kam helpim ol wokman bilong gavman long luksave
long ol bodi bilong ol.
 Indonesia i gat planti tausen ailan na ol i save strong long balus long karim ol paindia
i go kam.
 Ol save lain bilong balus i wok long mekim wok painim nau long as bilong dispela
birua.
Bipo long dispela birua i kamap, i bin gat 697 manmeri bai long taim birua i kamap long ol
balus bilong Indonesia, insait long 10-pela yia. Dispela namba i karamapim ol birua i bin
kamap long ol militeri balus wantaim ol sivilen balus.
Database bilong Aviation Safety Network i soim olsem Indonesia i gat nem nogut long sefti
bilong ol balus bilong en. Bihain long Indonesia em Russia, Iran na Pakistan.
Dispela birua bilong Sriwijaya Boeing 737-500 i kamap bihain long wanpela Lion Air 737
MAX i bin pundaun long Oktoba 2018 we olgeta kantri long wol i stopim dispela kain balus
long ran. Narapela bikpela birua bilong balus long Indonesia i bin kamap long taim wanpela
AirAsia Indonesia Airbus SE A320 long Desemeba 2014.
Dispela birua bilong Lion Air we 189 pipel i dai, i bin soim olsem i gat sampela hevi long
dispela kain model bilong balus na kampani i save wokim dispela kain balus, Boeing, I bin
stopim ol kantri long wol long yusim dispela model inap long ol i fiksim dispela hevi.

Ol daiva bilong Indonesia nevi, i soim sampela pats bilong dispela balus bihain long ol i stat
mekim wok bilong painim balus na bodi bilong ol pasindia.(AP)
Long 2007 i go long 2018, European Union i stopim ol balus bilong Indonesia bihain long ol
balus bilong en i wok long pundaun na ol ripot i soim olsem stended bilong mentenens na
sekap long balus, i no gutpela.
Namel long 2007 na 2016, US (United States) i bin putim sefti bilong Indonesia i kam daun
long mak bilong Category 2, bikos i no gat gupela rekot bilong bihainim stret wok bilong
ranim ol balus.
Sefti rekot bilong Indonesia i wok long kamap gut gen na long 2018, United Nations eviesen
ejensi i bin givim gutpela mak long en.
Ol daiva i painim pinis flight data recorder na cockpit voice recorder long Sande. ,

Dispela Boeing 737-500 wantaim 62 pipel i bin lus long solwara bihain tasol long em i kirap
lusim Jakarta.(Wiki Commons)
Ol ripot i kam long tracking website FlightRadar24, i soim olsem dispela Sriwijaya jet i bin
flai go antap long mak bilong 3,300 mita insait long foapela na bihain em i pundaun i kam
daun.
"I bin gat planti nois i kamap long spit bilong en long taim em i pundaun i kam daun," Geoff
Dell, wanpela air accident investigation saveman bilong Australia i tok.