PALAMEN bilong Atonomus Rijon bilong Bogenvil i tok orait long K390 milien baset blong 2021.

Planti long dispela mani, klostu K320 milien, bai kam long Nesenel Gavman na ABG gavman yet bai kontribiut K27 milien kina tasol long intenel revenu.

Dispela K390 milien baset bilong 2021 em i namba wan baset aninit long gavman bilong Presiden Inshmael Toroamama.  Em i wanpela liklik inkris bilong klostu K5 milien kina long 2020 baset.

Menesa na niusman bilong New Dawn FM, Aloysius Laukai i ripot olsem dispela mani mak long baset em i no karamapim ol helpim we i kam long ol divelopmen patna.