PRAIM MINISTA James Marape, i bin lusim planti memba bilong gavman bihain long ol i bin muv i go long sait bilong Oposisen long taim Palamen i bin bung long las wik Fraide 13 Novemba.

Dispela grup husat i muv i go long Oposisen em Deputi Praim Minista Sam Basil i go pas long en na ol i bin putim presa long Mista Marape long risain.

Tasol Oposisen i no muvim dispela mosen long wanem 18 mun taim bilong no ken muvim vot ov no konfidens i no ekspaia yet.

ABC niusman long Pot Mosbi, Bethanie Harriman i ripot, olsem Oposisen i vot long saspendim palamen inap mun Desemba.

Mista Marape i bekim long wanpela toktok bilong em long long Facebook olsem dispela i no pinis yet na em yet tu i no pinis long politiks.

Bethanie Harriman & Hilda Wayne