Ol ona bilong wanpela gold main tasol long Solomon Ailan, Gold Ridge i tokaut olsem wok long dispela main bai stat gen long 2022 na kampani i stat long mekim ples bilong wok i ken go het we ol i wok long rausim tu planti ol iligel setla long dispela hap eria.

Ol setla i bin muv i go long dispela hap eria faivpla yia i go pinis taim bipo ona bilong main, Australia kampani, Santa Barbara i bin stopim wok long hap bihain long hevi bilong tait wara i wok long bagarapim wok long hap.

Ol papagraun i gat 10 pesen sea long kampani, na Saina kampani Wang-goh i gat 77 pesen sea na narapela Australia-Saina kampani, AXF Resources i gat sea tu long en.

Gold Ridge Main mausman, Benjamin Afuga i tok ol i stat mekim ol wok redi long larim wok i ken go het long dispela main.