Long Pasifik nau i gat amamas long makim bilong nupela presiden bilong Amerika, Joe Biden long wanem i gat bilip olsem Amerika bai i go bek insait long wokbung long Paris Agrimen.

Long Mande dispela wik Praim Minista bilong Fiji, Frank Bainamarama i bin salim tok amamas bilong em long win bilong Mista Biden na em i tok Amerika i mas go pas yet long stap insait long Paris Agrimen.

Solomon Ailan advoket bilong klaimet senis, Mary Alalo i tok win bilong Mista Biden bai strongim ol wok long Pasifik ananit long dispela agrimen.