VANUATU Human Rights Coalition i lukim olsem i bin gat sampela bikpela senis long sampela eria bilong human raits long kantri olsem long edukesen na raits bilong pipel husat i stap wantaim disabiliti.

Human Rights Coalition bilong Vanuatu i bin stat long 2011. Em i karamapim samting olsem 35 sivil sosaiti ogenaisesen i stap long Vanuatu bilong lukluk long human raits bilong ol pipel.

Meri husat i bin statim na CEO bilong dispela kolisen, Anne Pakoa i tok i bin gat sampela gutpela senis i kamap long raits bilong ol pikinini long kisim gutpela eduksen, na moa yet long raits bilong ol disabel pipel.

Tasol Ms Pakoa i tok i gat bikpela wok i stap long ol samting olsem politikal raits bilong ol meri na hevi bilong vailens egens ol meri na gels na ol pikinini.

Em i tok tu olsem korapsen em i wanpela bikpela wari long Vanuatu na i gutpela long givim mani long stretim dispela hevi aninit long lo bilong kantri. Em it ok nau yet ol lain sivil sosaiti na wan wan manmemri i save mekim wok bilong stopim korapsen olsem ol volantia wok.