NAMBA WAN long foapela ran bilong balus i karim ol sisonel woka bilong Tonga i go long  Brisbane, Australia long las wik. I bin gat 152 ol woka long dispela grup.

Ol bai wok long Queensland we ol fama na groa i tok ol bai nidim samting olsem 7,000 worka long dispela sama sisen.  

Long mun Oktoba, moa long 300 ol sisonel woka bilong Vanuatu i bin go long Northern Territory long kisim ol mango long ol fam long hap.

Ol lain bilong Vanuatu i bihainim lo bilong Northern Territory na ol i bin stap long kwarentin pastaim long tupela wik, tasol ol lain bilong Tonga i bin go stret long wok na kwarentin long wankain taim bihainim lo bilong Queensland.

Richard Shannon bilong Queensland horticulture grup ol i kolim, Growcom, i tok dispela em gutpela sistim bilong ol fama na tu ol woka bilong Pasifik.