Dia edita,

Gavman i mas skelim plen bilong DHERST long ol yunivesiti long narapela 20-pela yia i kam bihain.

PNG i nidim moa dokta na ol speselis saveman na meri bilong kain kain wok, tasol kantri i sot long ol kwaliti yunivesiti. Nau em i taim bilong skelim dispela na redi long sanapim ol arapela yunivesiti long wan wan rijon bilong kantri.

Yumi mekim olsem bai skelim ol studen i go kam na givim spes long moa manmeri i go stadi long yunivesiti.

Tude olgeta pikinini bilong PNG i save pulim lain i kam long UPNG long Pot Mosbi na dispela i save kamapim bikpela hevi tru. Kwaliti bilong ol studen i stap daunbilo, kwaliti bilong ol tisa i stap daunbilo na kwaliti bilong ol bilding na sekyuriti na edministresen tu i daunbilo.

Givim  wok bilong mekim wok painim long NRI na ol risetsa bilong en i ken mekim wokpainim na givim ripot i go long gavman.

Stopim pasin bilong fri edukkesen na sevim mani long lukluk long ol yunivesiti bilong bihain taim.

Kari Doko

Waigani

NCD