Dia Edita,

Ol kain kain paul pasin i kamap long bai-ileksen bilong Mosbi Not Wes ilektoret i soim ples klia olsem Ilektoral Komisin bai bungim bikpela hevi tru long taim bilong nesenel ileksen long 2022.

Sapos ol i no inap long stretim ol ilektoral rol na sekap gut long ol vota long dispela ilektoret long Mosbi siti, bai ol i mekim wanem long ol ilektoret i stap long ol ples longwe?

Gavman i mas skelim gut dispela na putim mani bilong olgeta wok redi bipo long 22 nesenel ileksen. Yumi mekim olsem nau na wok bilong ileksen bai ran gut.

Peter Rua

Faiv Mile

NCD