Dia Edita, Las wik mi lukim long TV nius olsem Paga Hills Development kampani i poroman wantaim National Gaming Control Board long divelopim bisnis bilong pulim ol turis i kam pilai laki long wanpela casino ol bai sanapim long hap.

Mi no klia sapos mi harim gut o nogat. Tasol mi ting olsem wok bilong Gaming Board em long kontrolim ol bisnis bilong pilai laki, na hos resis na ol poker masin. Na sapos ol casino i kamap long PNG bai Gaming Board i mas kontrolim ol dispela bisnis tu.

Sapos dispela i tru, orait watpo bai Gaming Board i go insait long bisnis wantaim Paga Hills Development? Dispela han bilong gavman i mas stap independen na i mekim wok bilong en. Em i mas stap transparent no ken gat conflict of interest long taim em i mekim wok bilong en olsem reguleta bilong gaming indastri long kantri.

Kava Tauna

Morata