Dia edita,
Dispela wik ol savelain bilong PNG i toktok long jenda beis vailens na vailens i kamap long
taim ol pipel i sutim tok long soseri.

Yumi nidim ol lida long go pas long stretim dispela hevi
na mi amamas long lukim ol yangpela politisen bilong PNG i sanap bihain long dispela wok.
Planti yia nau PNG i wok long toktok long dispela hevi tasol i no gat bikpela senis tumas i
kamap. Mi laik bai polis o ol kot i mas kamapim wanpela data-beis we ol i putim nem bilong
ol manmeri husat i save kamapim dispela kain trabel.

Putim nem bilong ol long rekot na ol pablik o gavman dipatmen o ol kampani i ken sekim
long bihain taim bikos planti bilong ol dispela lain i no save senisim pasin bilong ol. Data
beis bai gat rekot we ol lain i ken sekap na lukim sapos e mi gutpela man o meri inap long
holim bikpela wok.
Long wankain taim tu, i mas gat data-beis bilong ol manmeri husat i save mekim pasin nogut
long ol pikinini. Ol ovasis kantri i gat data-beis bilong ol kain lain olsem. Hia pl hevi bilong
seksuel vailens egensim ol pikinini i wok long kamap bikpela. Planti keis i go long kot tasol i
no gat gutpela wok redi o witnes na kot i save rausim keis. Yumi toktok inap nau, em i taim
bilong kamapim eksen.
Keikera Margot
June Valley
NCD