Dia edita,

Ren i wok long pundaun nau long Mosbi na i gat planti bagarap i wok long kamap long ol rot insait long siti na ausaut tu long rot i go long Sogeri.

Inap NCDC o husat atoriti i lukautim ol dispela rot i sekap na stretim nau. Mipela ol woklain i save baim takis long gavman na tu long NCDC olsem na mipela laik gutpela sevis tu i mas kam bek long mipela.

Rot em bikpela samting na mipela i laik travel seif long wanpela sabeb i go long narapela na long taim mipela i raun ausait long siti tu.

Plis NCDC o Woks Dipatmen, opim ai na stretim ol pothole long ol rot. Planti eksiden i save kamap long taim ol draiva i laik abrusim ol pothole.

Jerry Nua

9 Mile

NCD