PAPUA Niugini PIH Kriket PNG U19 tim – Garamut, i stap pinis long West Indies na i redi tasol long 2022 ICC U19 Kriket Wol Kap bai kamap long 14 Janueri i go 5 Februeri.

Kriket PNG tim i tokaut olsem ol i kamap pinis long St Kitts long West Indies long Mande na i stap long Marriot hotel. Sikstin tim i kamap long dispela tonamen na ol bai pilai 48 gem long de ol i makim long en long foapela kantri bilong West Indies – Antigua na Barbuda, Guyana, St Kitts na Nevis na Trinidad na Tobago. Garamut i stap long grup C wantaim Pakistan, Afganistan na Zimbabwe. Ol bai pilai namba wan gem bilong ol wantaim Pakistan long  Janueri 15 long Queens Park Oval long Trinidad na Tobago.