KROTON Hela Wigmen i bin yusim strong long daunim Moni Plus Vipers long elimininesen fainel long las wik Sande. Namel long olgeta 3-pela hap bilong gren sten i bin pas wantaim sapota taim foapela tim i bin resis long eliminesen fainel we Tumbe bungim Gurias na Wigmen bungim Vipers.

NCDC Moni Plus Vipers i bin hatwok win kam antap olgeta long top sikis na aut long eliminesen fainel taim Kroton Hela Wigmen bai bungim Waghi Tumbe long dispela wik Sande. Long namba wan hap Allan Simbiri bilong Kroton Hela Wigmen i bin kamap ki pilaia wantaim jesi namba 6 long olgeta kik bilong em na helpim Missach Wallen long kisim Man ov Mets long eliminiesen raun. Simbiri i bin putim presa long taim bilong faiv las kik na mekim Vipers hatwok long kam strong wantaim difens bikos Wigmen pilai wantaim fos long lokim Vipers bihain long planti penalti o sans. Wigmen skoa namba wan trai long namba wan hap bilong gem insait long 2 minits taim Simbiri kam wantaim gutpela gol kik givim strong long Patrick Morea husat i apim skoa bilong Wigmen sanap olsem 12-0 tasol Shallom Bire bilong Vipers bekim trai wantaim gutpela kik bringim skoa bilong tupela sanap 12-6 inap hap taim. Bire skoa gen long namba tu hap tasol kik i no gutpela putim skoa long 12-10 bihain long Patrick Morea bilong Wigmen i bin kisim bagarap na go ausait. Wallen bilong Wigmen skoa long kona gen bihain long abrusim tupela strongpela difens wantaim gutpela kona kik bilong Simbiri apim skoa go antap 18-10 bihain long referi i bin sin binim Vipers fowat. Namel long gem na Wigmen bin givim penalti gol long Vipers, na skoa sanap olsem 18-14. Klostu long ful taim Vipers strongim difens taim Wigmen tek taim long atek tasol Wigmen bikos penalti gol givim fultaim skoa 20-14. Kroton Wigmen bai nau luk fowat long salensim Waghi Tumbe taim Muruks bai salensim Tigers dispela wik Sande.

Jacklyn Kimala i raitim