WANPELA lokal Lig klap bilong Makam Distrik Onga Waffa Lig i bin holim fan resing long sapotim Singa soka Asosiesen long Gurup ples tonamen.

Long wankain taim tu Edvaisa bilong Morobe provins Kium Kimbing i bin kamap long lukim dispela fan resing na sapotim klap na strongim wan wan memba long wokim moa mani. Kuim Kimbing i bin amamas long lukim ol yangpela spot man

na meri wokim mani bilong klap bikos dispela em gutpela wok long divelopim spot long grasrut level. Em i tokim ol komyuniti na yangpela manmeri long pasin bilong rispektim wan wan na sapotim ol long dispela kain program long komyuniti. Spot opisal bilong Morobe provins Bobby Singiliong i bin tok tenkyu long lig asosiesen na komyuniti sapot long dispela bikpela wok. Mista Singiliong i bin givim soka bal na arapela ikwipmen long Asosiesen na tokim ol olsem opis bilong spot bai sapotim ol gem long distrik wantaim ol kosa na referi long ranim opis. Em i tok moa long 10-pela tim i bin rejista long Onga Waffa nau tek pat long Asosiesen long Gugurup na komyuniti divelopmen na komitmen long Onga Waffa lig klap.

Paulus Tali i raitim