POT MOSBI MONI plus Vipers i bekim dinau bilong Muruks long raun 11 bilong Digicel Kap long las wik Sande long Lae.

Dispela win bilong ol Vipers i no bin larim ol Muruks kisim Maina Primiasip bihain long olgeta hatwok bilong ol Muruks.  Vipers autim dispela Maina Primiasip

nem bihain long nilim Muruks 6-0 inap ful taim. Long las yia Muruks i bin autim tiket bilong Vipers long raun 5 bilong 2020 sisen tasol long fainel Maina Primiasip Vipers bekim dinau na rausim tiket nem long ol. Ol Muruks i bin pilai strong long namba wan na tu hap bilong raun 11 tasol i no bin skoim wanpela trai long balensim trai. Olsem na

Vipers paitim bros tai mol nilim strong bilong Muruks long putim trai. Planti sapota i bin kamap long lukim PRK Muruks tim wantaim Vipers long Maina Primiasip long las wik Sande long Lae fil. Dispela wik bai lukim olgeta top sikis tim bai resis long go insait long semi na gren fainel bilong 2021 sisen.

Jacklyn Kimala i raitim