Judith Meauri bilong PNG i bin kisim pul long 50 mita fri-stail resis wantaim moa long ol 80 swima husat i bin resis long 10-pela raun Tokyo 2020 Olimpik long las wik Fraide.

Meauri em namba tu taim Olimpik etlit long resis long Tokyo Olimpik Gem long 2021.

Em bin swim makim taim bilong 27.56 sekens long daunim taim em bin setim long London 27.84 sekens.

Meauri i i bin winim namba 4 raun bilong ol 11 raun insait long ol resis.

Bihain long resis, Meauri i tok em bin amamas tru long dispela swim na tu i bin amamas long resis wantaim ol arapela swima tasol em bin pilim olsem em resis moa orait na kisim olgeta samting em bin setim long mekim.

“Mi amamas tru long swim makim taim na dispela em namba tu taim bilong mi long kompetisen we mi bin resis long en bihain long COVID-19 pendamik,” Meauri i tok.

Dispela 50 mita fri-stail swim resis long program em i gat moa long ol 150 etlit husat i bin swim long sait bilong ol man na meri wantaim.

Chef de Mission Tamzin Wardley i tok olsem olgeta kantri resis long Olimpik i bin kisim toksave bilong salim tupela swima long dispela Olimpiks.

“Long sindaun long gren sten na sapotim Judith, mipela i bin stap namel long olgeta wol”.

Bikpela taim bilong nait i bin go long swima bilong Australia Emma McKeon husat i bin setim Olimpik Wol rekot bilong 24.02 sekens insait long namba tu las raun.

“Judith i bin trening long Thailand long surukim FINA sponsa kemp moa long 18 mun.

“Em bin go stap long kemp pastaim long pandemik bin stat long bagarapim ol kantri inap Me 2021 tasol dispela bin gutpela long redim em long Thailand pastaim long dispela Olimpik Gems.

“Ol pasim trening kemp liklik taim na pul trening i bin stop tasol laki ol menes long opim gen.

Wantaim dispela trevol, Meauri wanpela i gat sans long resis long tupela mets long las tupela yia.

Ol Swima beis long PNG i no bin gat sans long trevol bikos long Taurama Aquatic Centre i bin pas long kisim trening las yia bikos ol yusim long COVID-19 Pandemik.

Meauri na Tim PNG Swima, Ryan Mankelyne tupela wantaim bai go bek long trening bihain long kwarentin taim em pinis, long redi long World Short Course Sempiansip, long Abu Dhabi long Disemba bihainim wantaim 2022 Commonwealth Games, long Birmingham.

Jacklyn Kimala i raitim