KATARINA Johnson Thompson bai kam bek long British Grand Prix we em bai resis long long jamp long 13 Julai 2021.

Dispela wol heptathlon sempian bai bungim gol medol wina bilong Jemani, Malaika Mihambi long Gateshead.

Wan poro bilong em Jazmin Sawyers na Abigail Irozuru tu bai resis long dispela Grand Prix tonamen.

Johnson Thompson husat i gat 28 krismas i bin gat rekot long 1.84m hai jamp long bung long France las wik.

Bihain long em bin kisim bagarap long pinis bilong 2020 resis las yia, Johnson Thompson i redi long Tokyo Olimpik long dispela mun.

“Trening i bin go orait na mi bin amamas long resis long bikpela tonamen olsem dispela Muller British Grand Prix,” em i tok.

“Mi laik luk fowat long stap antap na soim haus lain olsem mi ken mekim gut long dispela tonamen,” em i tok.