Tenis sta Emma Raducanu bilong Britis wildcard i bin pinis long Wimbledon 2021 namba foa raun mets bihain long em bin sot win na painim hat long lusim nupela driman bilong em bin

Emma husat i gat 18 krismas i bin stap baksait wantaim 4-6 o-3 long Ajla Tomljanovic taim em bin singautim trena bilong em.

Em bin lusim kot long kisim moa tritmen tasol ol i bin tokaut olsem em bai no inap go bek long Wimbledon 2021.

Tomljanovic bai bungim Ashleigh Barty bilong Australia long ol kwata fainel.

Long Mande, Wimbledon i bin tokaut klia olsem Raducanou i bin pinis long mets bikos em painim hat long pulim win.

“Mi sori long em, mi laik bai mitla pinis wantaim tasol no gat olsem na gud lak long stap bilong em,” Tomljanovic i tok.

Raducanu husat i bin stap namba 338 long wol pastaim long tonamen i bin lusim nupela driman bilong em taim em bin stat long soim sains olsem em no pilim orait long bel taim em pulim win.

Taim Tomljanovic i bin go 3-0, Raducanu i bin singautim trena long namba tu tritmen na sekim bros bilong em.

Ol hariap kisim em go ausait long kot, na bihian long sampela minit, ol tokaut olsem Raducanu i no fit long go het wantaim tenis wok bilong em.