Kwinslan Stet ov Orijon winga Xavier Coates i bin sainim wanpela kontrak wantaim NRL primia Melbourne Storm long 2022 na 2023 NRL sisen.

Xavier husat i gat 20 krismas i bin statim ekademi program bilong em wantaim Storm we ol i bin lukim olsem wanpela yangpela talen pilaia long gem na bai go beis long Melbourne long pinis bilong dispela sisen.

Coates i bin statim NRL gem long 2019 na i bin pilai 24 mets long Brisbane, na skorim 14 trai. Long 2021 kempen  bilong en, Coates i bin putim eitpela trai long opim ol nain raun bilong sisen.

Mama bilong Coates i bin karim em long Papua Niugini, em i bin makim hom graun bilong em long Test wantaim Samoa long 2019 na makim long tupela Stet ov Orijon long Kwinslan, wantaim tupela trai long siris las yia.

Jenerel Menesa bilong Storm Frank Ponissi i tok dispela klap i amamas long kisim Coates long werim jesi long neks tu sisen.

“Xavier i bin soim pinis em wanpela bilong ol namba wan yanpela winga long gem, tasol i gat 20 krismas we i gat planti moa em i ken lainim na divelopim long gem bilong em,” Ponissi i tok.

“Em wanpela pilaia husat i save stap olgeta taim wantaim Storm long tingim bek junia taim em i bin stat wantaim ol Easts Akedemi join wantaim Storm.”

“Mipela i save sampela klap i laik sainim Xavier, tasol em i bin laik long ekspriens wanem Storm i givim.

“Ol memba bilong mipela na pren bai amamas long lukim futbal stail bilong em na mi save NRL skwat bilong mipela bai amamas tu long welkamim em olsem Storm pilaia stat long 2022.”

“Em amamas long sainim kontrak na mipela bai luk fowat long lukim em long Melbourne long pri-sisen.”