Winga bilong Melbourne Storm Josh Addo-Carr bai joinim Canterbury-Bankstown BullDogs bihain long pinisim dispela 2021 sisen.

Jeneral Menesa bilong Storm Frank Ponissi i tok Addo-Carr bin toksave long klap long disisen bilong em long joinim ol Bulldogs dispela wik.

“Josh em wanpela naispela talen long fil na i save bringim amamas long olgeta futbal klap long mekim em gat  gutpela pasin long Storm,” Ponissi i tok.

“Em bin pilai olgeta gem long foapela sisen wantaim mipela i save olsem 100 gem pilaia long Storm long 2021.”

Addo-Carr i tok dispela disisen long lusim Storm em long stap klostu wantaim ol famili bilong em.

Taim Addo-Carr i lusim Storms long neks yia em bai Xavier Coates senisim ples bilong em long winga.

“Mi bin wanbel long stretim fainel pilai futsa bilong mi na nau mi ken lukluk long pilai las gem wantaim Storm,” Addo-Carr i tok.

“Mi gat planti stori long dispela klap na planti gutpela pren na memori i bin mekim mi kamap dispela kain man nau,” Josh Addo-Carr i tok.

Addo-Carr i bin pilai 105 NRL gem (9 Wes Tigers, 96 Storm) skorim 79 trai, i bin makim NSW long nain wok na bin pilai long Indigenous All Stars tim tupela taim.

Josh Addo-Carr i bin sainim foapela yia kontrak wantaim ol Bulldogs veliu long $2 milien. Addor-Carr bai joinim ol Bulldogs long 2022 bihain long kontrak wantaim Melbourne Storm i pinis dispela yia.

Bulldogs klap i bin welkamim  Addo-Carr long tim na bai stap wantaim ol inap 2025 NRL primiasip.