WOK bilong givim veksin long ol pipel i mas go yet. Kontrola bilong COVID-19 na Polis Komisina David Manning i tok ol wok manmeri bilong haus sik na husat ol i go pas long ol helt dipatmen i mas tok strong long givim veksin long olpipel.

Mista Manning i tok, “Delta Variant em i kilim planti manmeri long wol pinis. Ol pipel i mas kisim veksin na em bai helpim long banisim mipela long givim sik long ol famili bilong mipela. Ol manmeri krismas bilong ol i 18 na go antap i mas kisim veksin long helpim ol yet na ol

narapela tu. Ol maneri  husat i kisim veksin namba wan taim i mas go na kisim namba tu taim gen long helpim ol yet gut tru long no ken kisim sik COVID-19. Em i tok, “Namba bilong ol manmeri husat i kisim veksin i stap olsem 118,337. Mista Manning i laik lukim dispela namba i mas go antap long neks mun i

go olsem. Namba bilong ol manmeri i kisim COVID-19 long kantri i sanap olsem  17,807 na 192 manmeri  i bin dai . Long wol namba bilong ol manmeri husat i kisim COVID-19 i sanap olsem 204,758,136 na ol man i dai em sanap olsem 4,326,441 Mista  Manning i  tok.

Samantha Solomon i raitim