LONG dispela taim we kantri i wok long lukluk long makim Men OV Ona, Hilton hotel i tokaut olsem em i kamap veniu o ples bilong Digicel Faundesin Men Ov Ona Awot nait long Desemba 10, 2021.

Dispela agrimen namel long Hilton Pot Mosbi na Digicel Faundesen ol i bin sainim long Oktoba 12 long Hilton hotel long Pot Mosbi. Komesel Dairekta bilong Hilton Pot Mosbi, Robbie Turner i tok em i amamas tru long sapotim dispela iven. Men Ov Ona kempein em bilong flegsip bilong Digicel Faundesen we i lukluk long brukim pasin bilong vailens na lukluk long ol gutpela pasin  bilong ol man. CEO bilong Digicel Faundesen i tok em amamas tru long sapot bilong Hilton hotel. Awot nait bai kamap long wankain taim wantaim Intenesenel Human Rait De. Nominesen bilong Men Ov Ona i op inap long pinis bilong mun Oktoba. Long kisim nominesen fom, go long websait bilong Digicel PNG Faundesen na daunlodim. www.digicelgroundation.org o yu ken akim long email adres This email address is being protected from spambots. You need JavaScript enabled to view it.