TWINZA i tokaut olsem Stephen Quantrill nau em kamap Siaman bilong Bod. Mista Quantrill i senisim Ian Munro husat taim bilong em olsem CEO na Siaman i pinis long Septemba 30, 2021.

Mista Munro i lusim posisen bilong Siaman na long wankain taim em i risain olsem CEO bilong Twinza. Mista Quantrill i bin stap memba bilong Bod ov Dairektas bilong Twinza stat long Me 2014. Em i save sanap makim Clough famili long Bod. Clough famili em ol faunding seaholda bilong kampani. Ol em bikpela holda long i stap long

rejista. Twinza i stat pinis long lukluk painim kendidet bilong CEO insait na autsait long kampani. Kampani tu bai apdetim ol seaholda long ol taim i kam. “ Ian em i bin wokim gutpela wok long go hetim wok  bilong Twinza Pasca A projek. Mipela i tok tenkyu long em long wok bilong em. Mipela wisim em gutpela wokabaut long taim bihain bilong em. Mi ba go kam long Pot Mosbi olgeta yia long bung wantaim ol stekholda long painim rot bilong sainim Pasca A Gas Agrimen na tu lukluk long enjinia wok na disain bilong projek,” Siaman Quantrill i tok.