EKTING Praim Minista na Memba bilong Kikori, Soroi Eoe i bin sainim wanpela dil bilong Ihu Spesel Ikonimik Zon Projek las wik wantaim Embeseda bilong China, Zeng Fanhua long Kikori long Galp Provins. Wantaim dispela dil, dispela projek i kisim K80 milien long China.

Long taim tupela pati i sainim dil, Embeseda Fabhua i tok dispela agrimen i karim kaikai bikos long gutpela patnasip namel long tupela kantri. Na China i kisim strong moa long mekim komitmen bilong em long kamapim gutpela rilesensip wantaim PNG na sapotim ikonomik na sosol divelopmen bilong kantri long dispela taim we i gat planti salens. Embeseda Fanhui  i tok dispela donesin i kamap bihain long PNG gavman i bin go visitim China. Na

bilong strongim dispela rilesensip wantaim rispek long taim bihain. Dispela mani bai go long divelopim ol infrastraksa na sivil projek long Kikori Ilektret wantaim ol projek we gavman i i gat bikpela lukluk na laik long mekim. Embeseda Fahnui i tok bai givim narapela K16 milien bilong impruvim na bildim ol haus bilong ol militeri.