DIGICEL Faundesen i bin launsim komyuniti gran program bilong en bilong wan wan yia long Julai 22,

2021. Dispela program i sanap long mani mak long K1 milien. Astingting bilong dispela em long kamapim
ples we olgeta manmeri pikinini bai gat sans bilong ol long kisim gutpela sindaun na nogat lain bai stap
bihain. Komyuniti program we i bin kamap long 2019 em bilong sapotim ol lokal ogenaisesen wantaim
mani inap long K50, 000 long karimaut ol projek bilong daunim ol hevi i save kamap long ol komyuniti. Ol
projek olsem helt, edukesen, sosol inklusen, gutpela sindaun na seifti
bilong komyuniti. Sif Ekseketiv Opisa bilong Digicel PNG Faundesen, Serena Sasingian i tok em i amamas
long ol samting we dispela program i bin mekim stat long 2019 inap nau. “Mipela i save kisim planti
askim olgeta yia stat long taim program i bin stat. Mipela i save i gat bikpela nid long sapotim ol lokal
komyuniti we i gat hevi. Program bai go het yet na mipela bai wok wantaim ol patna long stretim ol nid
insait long ol rurel eria long kantri,” Mis Sasingian i tok. Aplikesen grents bilong ol bai op long tripela
mun na bai pas long Oktoba 10, 2021. Ol aplikesen bai bihainim proses na bai mipela i makim husat
mipela i ken helpim long 2021.
Carolyne Ketsimur i raitim