OL bikpela haus sik long Hailans rijon i wok long kisim planti lain husat i gat Delta variant bilong sik COVID-19 na planti moa i wok long dai.

Nesenel Pandemik Kontrol senta i tok Westen Hailans provins i gat moa nupela keis na ol sekyuriti fos i wok long stopim ol pipel i raun nabaut long ol boda. Tasol maski ol lo i stap, ol pipel i no bihainim olsem na bikpela hevi i stap yet long Hailans rijon. I gat lokdaun nau long Isten Hailans, Jiwaka, na Sauten Hailans.