OL pipel bilong Papua Niugini na ol arapela kantri long wol i mas mekim ol wok bilong lukautim gut ol leatherback trausel, sapos nogat, bai dispela kain trausel i lus olgeta.

Dispela em askim bilong Wenceslaus Magun, husat i wok olsem nesenel kodineta bilong wanpela envairomen grup ol i kolim Mas Kagin Tapani Association. Dispela grup i save wok wantaim ol komyuniti long sevim ol leatherback trausel.

Wanpela bisnismeri bilong PNG, Janet Roland Sios i bin sapotim Mista Magun long printim  nupela buk blong trausel konsevesen em i kolim "The Turtles Return"

Mista Magun i tok leatherback trausel em i wanpela enimal we i no gat planti tumas i stap laip nau long wol na klostu bai i pinis olgeta sapos yumi no lukautim ol.