Dia Edita, I gat planti bikpela askim bilong ol pipel i stap yet long ol MP bilong yumi.

Palamen bai i bung gen long dispela mun, Ogas bihain long longpela malolo bilong en.

Mi no save sapos ol memba bilong yumi bai gat inap taim long dibet gut na kamapim ol lo bipo long yia 2021 i pinis.

Taim bilong nesenel jenerel ileksen em neks yia 2022 na ol MP bai bisi long kempen long winim gen sia bilong ol long palamen. Bai ol i no gat taim long dibet na pinisim gut ol wok i hangamap i stap yet.

Plis ol MP mekim gut wok na bai yu lusim gutpela hanmak bilong yu long 2022 ileksen. Taim i wok long sot nau.

Haia Guna

Boroko

NCD