Dia Edita,

Mi lukim Wantok i bin ranim stori bilong 2021 Nesenel Populesen Sensus las wik.

Niuspepa i tok bai i no gat sensus i kamap nau bikos i no gat wanpela toksave i kamap long nesenel gavman long mekim dispela wok. De ol i makim wok long stat em long 12 Julai.

Tasol i no gat wanpela tok klia i kam long nesenel gavman yet. Bai i gat sensus long dispela yia o nogat?

Long Mande long dispela wik mi lukim wanpela niuspepa i karim stori bilong bikpela wok i kamap nau long Ilektoral Baundris bilong kantri. Mi lukim nem bilong man i go pas long Nesenel Stetistiks Opis tu i stap long grup gavman i makim long raun long kantri na bungim infomesen.

Olsem na mi askim gen: sapos bos bilong NSO i raun na mekim dispela wok, bai husat i mekim wok bilong ranim Nesenel Sensus long 12 Julai?

Madi Tauna

Badili

NCD