Dia Edita,
I luk olsem ol piipel bilong PNG i les nau long bihainim ol helt sefti protokol bilong Nupela Pasin long dispela taim COVID-19 i wok long kilim ol manmeri.
Olgeta pablik spes i no soim olsem ol pipel i pret long dispela sik. Long haus lotu, long maket, long ol stua na long PMV tu ol i no wari long pasim pes bilong ol long mask. Ol i putim mask aninit long wasket na raun i stap.
Sampela bilong mipela i save sotwin olsem na mipela i no inap pasim nus na maus longpela taim tumas. Mipela i mas rausim na kisim win gut pastaim na karamapim pes gen. Tasol planti helti manmeri i no bisi long bihainim stret lo. Ol i raun long laik na i no wari sapos ol i karim vairus raun o sapos ol bai kisim vairus long ol arapela manmeri.
Bai olsem wanem nau?
Boio Tauna
Waigani
NCD