Dia Edita,

Mi lukim long Facebook planti piksa bilong ol lain i pusim kar insait long draipela graun malmalum long rot na mi no amamas tru.

Olsem wanem na dispela i mas kamap.

Em i no stret long lukim gavman i toktok long planti milien kina ol i givim long ol kain kain wok na ol provins tasol olsem wanem na ol rot i stap bagarap yet?

Nau dispela tai mol pipel i nidim gutpela helt sevis na rot bilong go long maket, tasol laip em i hat moa taim ol i mas pulim kar long graun malumalum.

Wanem taim bai gavman i bildim ol rot we bai i stap longpela taim?

Nau em i taim bilong ren na ol rot bai i bruk na gavman i mas tingting long mekim strongpela rot. I no ol giaman rot we bai i stap tripela yia tasol na bagarap gen.

Stretim rot plis na givim ekses long ol rurel pipel na helpim bisnis i ran.

 Stanis Sepandu

Kubalia, Is Sepik Provins.