ia Edita,

I gat planti toktok long ol graun i lus long han bilong ol pipel long planti hap bilong Papua Niugini.

Tasol sapos yumi lukluk gut ol pipel yet tu i asua. Ol i laikim mani hariap nau yet long stretim sindaun bilong ol na ol i katim hap graun na salim.

Yumi lukim stori bilong Nagada long Madang. Ol asples i katim graun na salim long ol setla. Tasol dispela stori i go krangki taim Luteran sios i tok em i graun bilong ol na i rausim ol setla wantaim helpim bilong ol polis.

I luk olsem planti krangki i stap pinis long pasin bilong skelim graun i go i kam. Wanpela man o meri long klen i gat rait long salim graun bilong klen long liklik mani tasol? Planti pipel i ting salim blok graun long K5,000 em inap. Tasol ol i no lukim olsem K5,000 i bai pinis long wanpela mun na isi isi ol i go bek long dispela setla na askim long kaikai na helpim long basfe na marasin.

Moa gut long ol pipel i no ken salim graun. Ol lain i stap klostu long taun i mas tingting na divelopim graun ol yet.

 Danny Mungkai

Madang