Dia edita,

Mi lukim long nius olsem ol lida bilong Sentral provins i salensim NCDC long surukim mak bilong NCD i go insait long Sentral provins long 14 Mile ausait long siti.

Gavana Robert Agarobe i salensim NCDC wantaim Nesenel Gavman long stretim dispela hevi hariap. Em i tok dispela graun long 14 Milei bin stap insait long Sentral provins tasol gavman i bin senisim na kisim i kam bek insait long NCD. Em it ok bai em i bringim i go gen long Palamen long skelim.

Mi sori tru long ol dispela lain bilong Sentral provins. Mi lukim tu olsem ol polis i bin go insait na rausim ol haus bilong ol setela husat i bin stap long hap graun em NCDC i laik wokim wanpela skyrail long en.

Mi bin kamap bikpela long Bomana na Sogeri na mi klia olsem i bin gat wanpela sainbot i bin stap long rot bipo long olpela Ilimo Farm long 14 Mail. Dispela sainbot i toksave olsem yumi go insait nau long Sentral provins. Mi no save sapos em i stap yet o i raus pinis long taim boda bilong NCD i surik i go insait long Sentral provins.

Teresa Jones

Moitaka

NCD