SP PNG Hunters i bin amamas long tokaut na makim Scott Barker gen olsem CEO bilong 2022 sisen.

Barker i bin pinisim namba wan Intrust Super Kap sisen bilong em olsem Jeneral Menesa lukautim ol Hunters long dispela salens yia we i bin soim ol muv operesen long Kwinslan bikos long COVID-19 pandemik. Siaman bilong PNG Hunters Mista Stan Joyce CSM i bin amamas long lukim wok bilong Barker i mas stap wankain olsem 2021 sisen em bin putim ol Hunters long gutplea posisen long go bek strong long 2022. “Mi amamas long makim Scott Barker gen bihain long wok klostu wantaim em long 2021 sisen. Mi laik tok gutlak long em i kisim CEO wok gen,” Mista Joyce i tok. “Dispela i no bin isi yia bikos long salens bilong COVID-19 tasol Scott na tim i bin mekim ol Hunters putim gutpela lekmak fowat na lusim mipela long gutpela posisen long go het neks  yia 2022 sisen. Ol Hunters bod memba na Asia Pasifik Ragbi Lig Sif Operesen Opisa Jeremy Edwards tu bin welkamim Scott Barker olsem CEO gen bilong neks sisen. “Mi bin laki long wok klostu wantaim Scott long 2021 sisen na i bin lukim profesenel wok na dediketim em long ol Hunters,” Edwards i tok.

“Scott i gat strongpela ragbi lig graun. Miplea i laki olsem em serim dispela ekprienes wantaim ol Hunters. “Dispela i bin bikpela samting long lukim ol divelopmen bilong ol Hunters dispela yia na mipela luk fowat long neks yia 2022 sisen.” Barker i bin wok tupela yia wantaim ol profesenel ragbi lig long olgeta level bilong gem. Dispela ol taim wantaim Broncos, Knights, Dragons, Kwinslan Maroons, France, Kangaroos na Inglan. Nesenel Ragbi Lig i bin konsaltim Barker pastaim long em bin joinim Hunters long ol gem dispela yia.

“Mi amamas long surukim dispela CEO wok gen long neks yia na go het long wok mipela i bin statim dispela yia. Mi bin amamas long wok klostu wantaim Siaman Stan Joyce, PNGRFL CEO Stanley Hondina na tu de-tu-de wantaim Jeremy Edwards,” Barker i tok. “Dispela yia i bin gat planti salens tasol gutpela tu long lainim sampela nupela samting. Mi laik tok bikpela tenkyu long ol Hunters pilaia na wok manmeri long stap awei long hom eitpela mun. “Mi laik tok tenkyu tu long ol sponsa na sapota bilong mipela long hom husat i bin mekim komitmen long sapotim mipela dispela yia.