WEITLIFTA Morea Baru bilong PNG i bin pinis namba 10 namel long olgeta 61kg grup bilong ol man bihain long em i apim mak bilong 265kg long Tokyo Intenesenel Forum hap.

Long resis insait long Grup B namel long ol foapela arapela Weitlifta, Baru i bin stat long kisim raun lifting 113kg long namba wan raun bilong em. Long namba tu raun bilong em 118kg na bihain painim em yet long namba tri raun rekot wantaim 118kg. Em i bin stat orait long Clean na Jerk raun taim em apim 147kg tasol em i no bin inap long go het long namba tu na tri raun bilong em, long taim em i no bin mekim gut long apim 153kg long stretim wantaim 147kg. Dispela em mak bilong 265kg. Baru em namba tu taim Olimpik etlit na i bin kisim

Olimpik Diploma bihain long top eit pinis Rio 2016 Olimpik. Em bin winim gol long 2019 Pasifik Gems na silva long Gold Coast 2018 Commonwealth Games. Em i gat Osenia rekot long tupela Snatch na Clean na Jerk. Na long dispela Commonwealth rekot holda long Clean na Jerk long grup bilong ol 61kg Man. Baru i kwalifai long Olimpik bikos long Oseania rekot na i bin stap long Grup B bilong ol 14 resis. Fabian Li bilong China i bin winim Gol medol na setim Olimpik Rekot namel long rot long Clean na Jerk na mak bilong 313kg. Eko Yuli bilong Indonesia i kisim silva medol bihain long em i kisim mak bilong 302kg wantaim Igor Son bilong Kazakhstan husat i winim Brons wantaim mak bilong 294kg.