PRAIS mani bilong husat tim i laki long pilai fainel i stap nau long tebol bilong Kaugere mini komyuniti basketbal kompetisen opisalv long NCD.

Pot Mosbi Saut ilektoret i pasim ol rejistresen bilong ol tim na i sambai long serim K20, 000 kes mani namel long ol tim husat bai pilai fainel.

Kompetisen gren fainel tim bilong ol man na meri divisen bai winim K5, 000 wan wan rana ap K2, 000 na namba tri (3) ples bai kisim K1, 000. i gat awot bilong wan wan pilaia tu i stap.

Open rejistresen bilong dispela kompetisen i go long ol yut bilong Pot Mosbi Saut tim tasol.

Kompetisen bilong kamapim ol lokal yut long save long pasin bilong kamap lida long ogenaisim na lidim komyuniti long dispela as tingting na Mosbi Saut MP, Justin Tkachenko, i givim dispela mani.

I no gat rejistresen fi tasol wanpela kondisen em i olsem olgeta tim mas i gat divisen bilong man na meri.

Komyuniti lida Sema Ariki i tok olsem dispela kompetisen bai bringim ol komyuniti memba long kam bung wantaim long pilai spot.

Em i tok tripela (3) yia i go pinis i bin gat kain kompetisen olsem long Kaugere na ol komyuniti i bin helpim na em i bin naispela na autstanding stret.

“Kaugere stap na basketbal balens long Mosbi em totktok bilong mipela Mosbi Saut. Dispela gem i bilong bung wantaim na pilai long kot yumi yet i wokim,” Ariki i tok.

Em i tok bikos long ristriksen bilong Covid-19, ol i makim ol yut long lukim olsem olgeta pipel i kam long dispela kompetisen i mas bihainim pandemik protokol.

Olgeta tim i rejista pinis na opisal bai putim toksave long wanem taim kompetisen bai kik ov.

Joseph Dawai i raitim