MOA long 300 Katolik yut bilong Holi Kros Paris long Bisop Epalle Lotu Senta na Good Shepherd i bin bung wantaim na selebretim Penteskos Sande long Don Bosco, Is Honiara, Solomon Ailan.

Ol bin opim Yut wiken kemp wantaim dispela selebresen bilong Holi Yukarist misa wantaim Aksbisop bilong Honiara Christopher Cardone OP.

Namel long dispela program bilong selebresen ol i bin pilai ol gem, pre na serim gut nius bilong sapotim narapela husat i kamap long dispela kemp.

Long wankain tu ol yut yusim dispela sans taim long redim ol long Saint Joseph Kap bai kamap long Jun neks mun.